買樓

我也想說一下神的祝福與帶領，其實自己同家鈴知道神一直厚厚的賜福給我們，由認識神到而家都看顧我和我一家，記得在之前牧者常常都同我地講，要儲個錢，買層樓讓生活穩定些，不要搬來搬去(我記得由07 到而家己搬了3次，未計現在買了那層)，那時把說話放在心裏，但因每個月儲錢唔多，所以想都係好耐以後的事，及至身邊的弟兄姊妹+牧者都紛紛入市，和家鈴心裏都好羡慕，也和家鈴異口同聲的說了一句『我都想買樓』，其實那時不以為意，也沒有為家庭打算過，但神已經為我們開始預備... 到晴晴出世後，她帶給我們的祝福可說是比出世前更多更盛，因為神已經為我們預備好資金了。

在愷晴出世後，其實家的空間真的唔夠，外娚樂勤大了其實都需要自己的空間，我和家鈴想過要搬大一點的單位，但因樓市又升返，所以租金都大幅提高，以自己現租的單位，今年3月開始租金為$6500，但現時同間格的單位已升到$7800，大一個間格的已經$9000，我同家鈴想都難於在下年轉生約時可以維持$6500這個水平，也留意過其他較遠地區的租金都差不多，但樂勤下年升小學，家姐想住返原區，佢自己又在觀塘返工，又要計埋我阿媽入黎照顧晴晴的情況，真的心感矛盾，又想過請工人，但開支太大加地方一定又小了很多，唔化算，又想過同埋阿媽一齊住，但又怕有磨擦，自己又怕有脾氣。

感謝神，記得有一晚返屋企，家鈴還放產假未返工，在外家回來，話外父大人有筆錢想給我們做首期去買樓，那時我都未消化到，跟住話睇吓點先，跟住冇幾耐外母又支持一下，自己心裏想了又想，開始感到興奮，加上我係典型的A型人，便突然問我老婆，咁我地幾時睇樓，但其實我乜都冇諗，攪到家鈴唔知點算，因我們要同姐姐交代，因晴晴長大了也真的需要自己的房間，在同姐姐商量後，姐姐肯同我們住多幾年，搬屋後當交租給我們，這也是我想的，因如果買樓而唔同姐姐住唔係我的想法，也聽到她也有幾年後的打算，我的心都定下來，當然到時怎樣沒有人知。我們思前想後，同姐姐分享了，也想在返同區找到個好單位，姐姐都贊成我們有自己的物業，而她也和我們分享佢的睇法。之後我們也同我阿媽講好，佢都贊成了。

於是我們便聯絡幫我地搵這個租盤的經紀去搵樓，但先知道樓價升得比我們想像的還要多，我們初初想找個細單位買啦，可以平一點，但這個想法其實唔係解決緊我們的問題，我們於是便想找個大一個間格的屋啦，家鈴也打給現時業主的姐姐(炒家)看看有冇盤，但佢話個樓價好高，冇入市，還問我們是否唔住，佢話可能會連租約賣(因可以賺到40萬)，我們便知道下年續約的機會好微，神真的預備讓我們買樓，但睇了好多間，諗住要落訂，但個個業主唔係話封盤便是要加15-20萬，我們都嚇到傻咗，唔係一、二個，係我地睇咗4-5個單位都係咁，我們心中都心急呀，因我們諗個市都會繼續升，再拖可能仲貴，於是我們買了我們第一間睇但嫌貴的屋，但計返那些開價平，實收貴的單位，只是多3-5萬，但唔駛等還價...幻得幻失。

於是我們落了訂，簽了臨約，預計31/12交吉

雖然已買了樓，但有好多野需要代禱，因要銀行同HKMC批按揭，我們想9成5呀，因可以有些錢裝修，但我相信神已預備^^，我同家鈴知道神不單給我們有錢買樓，但也在當中清了我們一些不以為意的債務，我們之前的禱告得蒙垂聽！